السلام عليكم اليوم حبيت اتكلم عن المكياج اللي يعطيكي اللوك الطبيعي كانك مو حاطة ميك اب , مايغير فيكي كثير
يلا نبداء ❤ :
اهم شيء ابداء فيه هو الاساس او بي بي كريم يغطي و مايتكتل ويعطي لوك طبيعي وديوي انا في الصباح اعتمد على البي بي كريم اكتر من الفاونديشن مدري ليه ☺☺ المهم فيه البعض يستخدم الكونسيلر بس لانو مو كل شخص بيحتاج فاونديشن .
.jpg.jpg)
الكونسيلر تقدري تعتمديه لحالو مو لازم فاونديشن اذا بشرتك صافية خذي كونسيلر يغطي ويعطي شوية اضائة لتحت العيون عشان تبرز العين ومايتكتل ويندمج بسرعة في كثير كونسيلارات حلوة زي ريفلون وماك و كريولان ومايبلين وفورايفر .
.jpg)
بما انو حطينا الفاونديشن والكونسيلير بعدو تجي البودرة افضل بودرة هي حق ريميل ستاي ماات مرة جميلة وخفيفة دي البودرة لازم تكون بشنطتي , كل مايدهن وجهي احط منه شوية مرررة بطلة ❤ ❤ وفيه بودرات حلوة كمان زي حقت ميك اب فورايفر اتش دي .
الحواجب اول شيء يلاحظوه عليكي لازم تكون مرتبة يعني لا انها غامقة اوفاتحة
تكون بنفس درجة شعرك , ومو حلو تتقلي بالقلم لما ترسمي انا افضل في دا اللوك
ترسمي حواجبك بالبودرة وثبيتها بالجل مسكارا افضل لانو تدي لوك طبيعي وحاولي
تمشي على نفس حواجبك عشان مايغير فيكي كثير .
وبعد الحواجب ننزل للعين ماحب احط شدو لذا اللوك واذا تبي تحطي شدو حطي برونز في كسرة العين بس وادمجيه بالفرشة , في ذا اللوك افضل كحل نيود ومسكرا بس عشان العين تبان طبيعية وابان مصحصحة ☺
شوفو في دي الصورة كيف تفرق لما تحطي مسكرا في العين بتبرزها ❤
خطوة البرونز مو مرة مهمة بس اذا تبي تحددي وجهك بشكل طبيعي حطي شوية
برونز وتديكي لون بعد بس لذا اللوك افضل بلشر بس .
للشفايف افضل شيء تحطي مع دا الوك لون بينك او لحمي او الروج اللي يميل للبني الفاتح .
من اللوكات اللي عجبتني اللوك حق اليوتيوبر سونا مررة طبيعي وجميل حبيتو
❤❤❤
حسابها في اليوتيوب makeup by sona
اطول بوست عملتو ☺ ان شاء الله يعجبكم .
No comments:
Post a Comment