فضفضة | السنة التحضيرية

صباح السعادة اخباركم , مين منكم استعد نفسيا للمدارس والجامعات او الدوام انا دي السنة متحمسة مدري ليه ,  انا انسانة ما احب القهوة مدري ليه احب الشاي والهوت تشوكليت وادماني هل فترة احب قومة الصبح احلى اوقاتي الصبح ♥♥ 
ان شاء الله تكون احلى من السنة اللي ضافت ابى اتكلم عن كم نقظة للبنات اللي حيدخلو الجامعة  سنة اولى وكذا :))


 اول يوم اليوم المنتظر اغلبنا يروح مواصل من الحماس ونجهز اللبس من الليل ونشوف صديقاتنا اللي معانا من الثانوي احلى شيء 

ونتوه سوا في الجامعة هههههههه , وحركات ادمان القهوة , وبالنسبة للبس كل شيء مسموح مع احترام المكان اللي انتو فيه ( لكل مقام مقال )

يعني لاتلبسي الملزق الضيق او القصير لانو في النهاية رايحين نتعلم مو نتكشخ بزيادة !  وموضوع الميك اب حلو تحطي ميك اب خفيف يبين وجهك مصحصح ومرتب مو روج عودي من الصبح الله يخليكم ههههههه  

وبالنسبة للدراسة السنة التحضيرية في جامعة الملك عبدالعزيز خطتين أ و ب تاخذي كل واحد في ترم انا بالنسبة ليا حبيت أ وجبت فيه معدل اعلى الحمدلله لانه اسهل شويتين من ب بس الاتنين حلوين

الخطة أ مكونة من { رياضيات , فيزياء , مهارات اتصال , حاسب الي , انجليزي }

الخطة ب مكونة من { كيمياء , احياء , احصاء , انجليزي } الانجليزي على حسب المستوى اللي يطلعلك بعد اختبار تحديد المستوى 

 حسيت بكتب على الوورد هههههههههه اهم شيء في دي السنة تزاكرو زي الناس وتعتمدو على نفسكم عشان يطلعلكم التخصص اللي تبوه

لانو اغلب الدكاترة مابياشرو ف اعتمادك حيكون على الكتب والسلايدات الكلمة دي جابتلي القلق في التحضيري <\3 

السنة التحضيرية سنة حلوة وتجربة جديدة حتتعلمو فيها اشياء كثيرة , كيف تعتمدو على نفسكم  وحتحسو بتعب بس كل دا تهون لما يطلعلك التخصص اللي تبيه ❤️❤️
ادعو كل يوم ( رب اكتب لي الخير حيث كان و رضني به ) وان شاء الله ربي يكتبلكم كل خير 

يارب استفدتو من تجربتي  واذا عندك اي سؤال اكتبيلي في الكومنت ولا تنسوا وعده سبحانه و تعالى { و لسوف يعطيك ربك فترضى }

bloglovin | instagram | twitter | tumblr